نصيحة رقم 3 للمقابلات الشخصية

نصيحة رقم 3 للمقابلات الشخصية

وين شايف حالك كمان 5 سنين؟

 !يعتبر هذا السؤال من "أبيخ" الأسئلة اللي ممكن يتعرضلها الخريج الجديد, خاصة انه هو مش شايف حاله وين اليوم, فما بالك كمان 5 سنين

.لكن هذا السؤال ممكن يكون من أهم الأسئلة واللي ممكن تكون فخ للمرشح ويتسبب في خسارة المقابلة حتى لو عملت منيح في المتطلبات التقنية وغيرها

يسأل المُقابل هذا السؤال لكي يعرف اكثر عن أهدافك العملية في الحياة, لأنه هدف المقابلات هو توظيف شخص متحفز ومثابر واحتمالات بقاءه لفترة من الزمن في الشركة عالية
عملية التوظيف عملية صعبة ومرهقة وبالتالي فإن المقابل لا يريد ان يعود الى نفس الدوامة بعد فترة قليلة من الزمن لأنه قام بإتخاذ قرار خاطئ بتوظيف شخص استقال بعد فترة . قصيرة لأسباب واضحة
.لو كان هدفك إنك تكمل ماجستر الفصل الجاي, مش قرار حكيم للمقابل ان يعينك وتستقيل بعد 3 اشهر مثلاً
.اذا كان هدفك أن تصبح مديراً مالياً, فإن شاغر خدمة الزبائن في شركة اتصالات لن يصب في خدمة أهدافك بعيدة الأمد وهكذا

 

 :بعض مرادفات هذا السؤال

 ما اهدافك طويلة الامد لحياتك العملية؟ -
 ما هي الوظيفة المثالية لك خلال الفترة الحالية؟ -
 عن ماذا تبحث في العمل؟ -
 كيف تعرّف النجاح في العمل؟ -
 ما هي اهم الاشياء لك في العمل؟ -

 

 :و من المهم الأخذ بعين الإعتبار ما يلي

. خلي الجواب عام شوي -
على عكس إجاباتك السابقة في المقابلة, فإنه ينصح بأن تبقي جواب هذا السؤال من ضمن العموميات لأسباب سنذكرها لاحقاً -

أكّد أهمية أنك تبحث عن عمل طويل الامد وليس وظيفة مؤقتة -

خلي جوابك من قسمين, القسم الأول بيحكي عن الشاغر الحالي وكيف بدك تعمل شغل مميز فيه عشان (القسم الثاني) هذا رح يساعدك تتقدم بشغلك للأمام -

 

كيف ممكن تجاوب السؤال؟

اي خطوة للتطور بتبدأ من اتقان ما تعمله اليوم, وأنا ابحث عن عمل مع شركة أقدر أكبر معها وانه استمر اواجه تحديات مختلفة خلال الخمس سنوات القادمة وما بعده - 
.انا مش كتير بركز عالمسميات الوظيفية بس انا بعرف اني حابب يكون الي شوية ادوار ادارية مستقبلية بعد ما اكون اتقنت الادوار اللي رح تخليني اكون مسؤول جيد

من مميزاتي الشخصية اني بحب اكون احسن واحد في الاشي اللي بعمله وهذا رح يكون همي الاول في (الوظيفة اللي انت مقدملها), عشان هيك بعد خمس سنين بدي اكون في  - مكان بقدر اطور فيه مهاراتي واشتغل على مشاريع مميزة واهم من هيك اني اكون بشتغل مع زملاء اتعلم منهم اشياء جديدة
.سمعت كتير كلام منيح عن الشركة وانه فيها موظفين مميزين بيشتغلوا فيها عشان هيك انا مهتم باني ابني سيرتي العملية هون

 

خليني أبلش بانه انا صراحة كثير متحمس لاني اشتغل (المسمى الوظيفي اللي عم تقابل عشانه) وهدفي الاول اني اعمل كتير منيح بشغلي واثبت جدارتي فيه -
.مع مرور الوقت اكيد رح يصير في فرص للتطور في الشركة, فاذا كنت اثبتت جدارتي للتطور فأكيد رح اكون مهتم بتقلد مسؤوليات جديدة مع الشركة

 

 

كيف ما تجاوب السؤال؟

!(بدي اكون مكانك (مع جحرة ونظرة تحدي -
اولاً الموضوع مش طوشة ولا مكاسرة, وببساطة يمكن اللي بقابلك اخد معاه الموضوع 7 سنين او 10 سنين عشان يوصل للي وصله وانت بتحكيله انا بقدر اعمله ب 5 سنين, وببساطة اخرى ورجيني شغلك اليوم بعدين بنشوف شو رح يصير بعدين

بدي اكون مدير -
نفس الاسباب اعلاه

 

(رح اكون مسؤول التسويق لمنتجات الهواتف الذكية (يعني تعطي مسمى وظيفي دقيق -
هيك انت زي كأنك عارف شو رح يصير معك كمان 1826 يوم بالزبط, زي كأنك فتحت طاقة للمستقبل وشفت تفاصيل دقيقة وهذا رياضياً غير منطقي وبالتالي يعطي انطباع انك غير مناسب

(بدي أتجوز ويكون عندي ولد وبنت ومستقرة بالبيت ( للفتيات -
.طبعاً واضح انه مش هدف الفتاة العمل, يعني لو تزوجت كمان 6 اشهر فمعناته رح تستقيل

بدي اسافر عند أهلي على اميركا \ بدي اكمل ماجستير \ والله مقدم هجرة على استراليا وان شالله من هون لخمس سنين بتكون طلعت الاوراق....الخ

بالمختصر, هدف السؤال هو التأكد من ان المرشح شخص منطقي, شخص سيبقى مع الشركة و هو او هي استثمار جيد, وشخص يفكر ويخطط للمستقبل وبالتالي بالتأكيد سوف يعمل بجد لتحقيق أهدافه.